Kuelekea kuanza kwa mechi za hatua ya mtoano, 16 bora ya klabu bingwa
barani Ulaya, kampuni ya Adidas jana Jumatatu imetangaza toleo la mipira
mipya itakayotumika kwenye hatua zilizobaki za mashindano.
Ikiwa mechi ya Fainali itafanyika nchini Wales, ambao wataandaa mchezo
huu katika uwanja wa Princpality, mpira huo utakuja na aina mpya
muonekano wa kuvutia ikiwa na mapambo ya mnyama anayefahamika kama
dragon.
Matengenezo ya mpira huo yamezingatia muonekano wa bendera ya Taifa hilo,
ambayo katika bendera hiyo kuna picha ya mnyama
huyo ikinakshi bendera.
Timu ya adidas, ambayo ilisafiri mpaka Cardiff ikiwa ni sehemu ya kuweka
sawa matengenezo ya mipira hiyo imesukumwa kutumia muonekano huo
kutokana na nguvu na uwezo ambayo mnyama Dragon uwakilisha katika maisha
ya kila siku na imani zilizokuwepo.
Mpira umetengenezwa katika namna ambayo itaruhusu kila mchezaji kuutumia
kutokana na aina yake ya uchezaji hasa mastaa wengi wakiwemo Lionel
Messi, Luis Suarez, Cristiano Ronaldo na aina ya akina Thomas Muller.
Mpira huo ambao umelenga maadhi ya nchi ya Wales, utatumika kwa mara ya
kwanza siku ya leo Jumanne ambapo mechi za hatua ya 16 bora zitaanza kwa
mara ya kwanza.
Benfica vs Borussia Dortmund na Paris Saint-Germain dhidi ya Barcelona zitakuwa mechi za kufungua hatua hii.
Na utamu wa michezo hii hautoishia hapo kwani Bayern Munich watakuwa
wenyeji wa Arsenal siku ya Jumatano huku Real Madrid wakicheza na
Napoli kwenye uwanja wa Bernabeu.
Na mpira huo wa adidas utatumika katika kila mchezo ikiwemo fainali itakayochezwa mwezi June tarehe 3 huko Cardiff.
0 Maoni:
Post a Comment