UEFA CHAMPIONZ LIGI: JUMANNE ARSENAL KUICHAPA BAYERN 4-0 NA KUSONGA?

 

Mechi za Pili za Raundi ya Mtoano ya Timu 16 ya UEFA CHAMPIONZ LIGI, UCL, zinaanza kuchezwa Jumanne Machi 7 kwa Mechi 2.

 

Siku hiyo, huko Emirates Jijini London, Wenyeji Arsenal wanapaswa kupindua kipigo cha 5-1 walichoshushiwa na Bayern Munich katika Mechi ya Kwanza iliyochezwa huko Germany.

Ili kufuzu kuingia Robo Fainali, Arsenal wanapaswa kitu ambacho hakijawahi kufanyika kwenye UCL kwa kushinda 4-0 ama kwa idadi nyingine ya Mabao ili mradi tofauti ya Magoli iwe 4-0.

Mechi ya Pili ya Jumanne ni huko Naples, Italy wakati Napoli ikirudiana na Mabingwa Watetezi Real Madrid huku wakihitaji ushindi wa Bao 2-0 kwa vile walichapwa 3-1 huko Santiago Bernabeu Jijini Madrid, Spain kwenye Mechi ya Kwanza.

Napoli pia wanaweza kufuzu ikiwa watashinda kwa idadi nyingine ya Mabao ili mradi tofauti ya Magoli iwe 2-0.

Jumatano Machi 8 zipo Mechi nyingine 2 za Pili za Raundi ya Mtoano ya Timu 16 kati ya Barcelona na Paris Saint Germain huku PSG wakiwa mbele 4-0 na ya pili ni kati ya Borussia Dortmund na Benfica huku Benfica wakiongoza 1-0.

Mechi za Pili za Raundi ya Mtoano ya Timu 16 zitakamilika Wiki ijayo, Machi 14 na 15, kwa Mechi nyingine 4 ili kutoa Washindi watakaocheza Robo Fainali.

Share on Google Plus

About KASSIM OMARY

HII NI BLOG AMBAYO ITAKUWA INAKUPA HABARI MOTOMOTO ZA KIMICHEZO NA HABARI KWA UJUMLA