AFCON 2017, TUNISIA YAUNGANA NA SENEGAL ROBO FAINALI.

MECHI za Kundi B la AFCON 2017, Mashindano ya 31 ya Fainali za Kombe la Mataifa ya Afrika, zimekamilika Jana huko Gabon kwa Tunisia kuungana na Senegal iliyofuzu mapema huko Robo Fainali.

 

Jana, Senegal, wakicheza kukamilisha Ratiba tu kwani walishatinga Robo Fainali wakiwa na Mechi mkononi, walitoka Sare ya 2-2 na Algeria wakati Tunisia ikiichapa 4-2 Zimbabwe ambayo ilikuwa ishatupwa nje kabla ya Mechi hiyo.

Bao za Senegal hiyo Jana zilifungwa na Papakouly Dipo na Moussa Sow Dakika za 43 na 53 wakati za Algeria zikipigwa na Islam Slimani Dakika za 10 na 52.

Katika Mechi ya Pili ya Kundi B, Tunisia iliichapa Zimbabwe 4-2 na kufuzu Robo Fainali wakiwa nyuma ya Washindi wa Kundi B Senegal.

Mabao ya Mechi hiyo yalifungwa na Musona, Dakika ya 42 na Ndoro, 58, kwa upande wa Zimbabwe na Sliti, Dakika ya 9, Msakni, 22, Khenissi, 36, na Penati ya Khazri, 45.

Kwenye Robo Fainali, Senegal itacheza na Cameroon na Tunisia kuivaa Burkina Fasso.

Leo zipo Mechi za mwisho za Kundi C kati ya Morocco na Ivory Coast na nyingine ni katii ya Togo na Congo DR huku Wawili wowote kati yao wakiwa na nafasi ya kufuzu.

Share on Google Plus

About KASSIM OMARY

HII NI BLOG AMBAYO ITAKUWA INAKUPA HABARI MOTOMOTO ZA KIMICHEZO NA HABARI KWA UJUMLA