OFA YA 3 PAYET YAPIGWA CHINI, DEULOFEU AONDOKA EVERTON YUKO AC MILAN!

 

HUKU West Ham ikipiga chini Ofa ya 3 ya Klabu ya France Marseille kumnunua Dimitri Payet kutoka West Ham, Everton imeruhusu Winga wao Gerard Deulofeu kujiunga na  AC Milan ya Italy kwa Mkopo.

 

PAYET:

West Ham imeikataa Ofa ya 3 kutoka kwa Marseille ya France ya kumnunua Mchezaji wa France Dimitri Payet.

Inaaminika Dau la sasa lililowekwa Mezani ni Pauni Milioni 22.5.

 

Mwenyewe Payet anang'ang'ania kuondoka arejee Marseille akitaja sababu za Kifamilia lakini West Ham wamegoma na kudai hawana shida ya Fedha kwa kumuuza ingawa wanamthamini kuwa Dau lake ni Pauni Milioni 30.

 

West Ham walimnunua Payet, mwenye Miaka 29, kwa Pauni Milioni 10.75 mwanzoni mwa Msimu wa 2015 na Februari Mwaka Jana alisaini Mkataba mpya mrefu na West Ham baada kuwa ndie Mchezaji Bora wao kwa Msimu uliopita.

 

Tangu mzozo huo uibuke, Payet hajacheza Mechi 2 za Ligi lakini zote West Ham wameshinda.

 

GERARD DEULOFEU:

WINGA wa Everton Gerard Deulofeu mwenye Miaka 22 atajiunga na AC Milan ya Italy kwa Mkopo.

 

Msimu huu Deulofeu ameichezea Everton Mechi 13 na Meneja wa Timu hiyo Ronald Koeman amesema wamemruhusu kuondoka ili apate muda mwingi wa kucheza Mechi.

 

Deulofeu, Raia wa Spain, alijiunga na Everton kwa Mkopo Msimu wa 2013/14 kutoka Barcelona na Mwaka 2015 kununuliwa moja kwa moja kwa Pauni Milioni 4.3.

 

Share on Google Plus

About KASSIM OMARY

HII NI BLOG AMBAYO ITAKUWA INAKUPA HABARI MOTOMOTO ZA KIMICHEZO NA HABARI KWA UJUMLA