LA LIGA: LEO ATLETICO MADRID v BARCELONA!

 

WIKIENDI hii La Liga ina mpambano mkali huko Vicente Calderon Jijini Madrid, Spain wakati Wenyeji Atletico Madrid wakiwakaribisha FC Barcelona hapo Jumapili.

 

Siku hiyo hiyo, Vinara wa La Liga, Real Madrid, ambao wako Pointi 1 mbele ya Barca, wapo Ugenini kucheza na Villareal.

Mechi ya Atletico na Barca itakuwa ni Mechi ya 300 kwa Kocha kutoka Argentina Diego Simeone kuiongoza Atletico lakini amekuwa hana matokeo mazuri dhidi ya Barca kwenye La Liga licha ya Msimu wa 2012/13 kutwaa Ubingwa wa Ligi hiyo likiwa Taji lao la kwanza katika Miaka 18 na pia kumaliza wa Miaka 10 wa Barca na Real kubadilishana Ubingwa. 

Katika Miaka 15 kabla ujio wa Simeone hapo 2011, Atletico walikuwa wametwaa Makombe Mawili tu lakini tangu wakati huo Atletico sasa imetwaa Vikombe Vitano.

Vikombe hivyo ni EUROPA LIGI, UEFA SUPER CUP, Copa del Rey na Spanish Super Cup.

Pia Simeone aliongoza Atletico kuifunga Barca hapo Vicente Calderon mara 2 katika Misimu Mitatu iliyopita na kufika Nusu Fainali ya UEFA CHAMPIONZ LIGI.

Lakini kwenye La Liga, Atletico wamefungwa Mechi 16 na Barca.Chini ya Diego Simeone, Atletico Wameshinda Mechi 187, Sare 61 na Kufungwa 51 katika Mechi zake 299.

Hivi sasa Barca wanaonyesha kuyumba kwani Wiki iliyopita walicharazwa 4-0 na Paris Saint Germain kwenye UEFA CHAMPIONZ LIGI na kisha kushinda kwa mbinde Mechi ya La Liga na Leganes huku Bao lao la Pili likifungwa Dakika ya 90 kwa Penati ya Lionel Messi.

Kwa Atletico, wao wako kipindi murua kwani wameshinda Mechi 2 Ugenini 4-1 wakiichapa Sporting Gijon kwenye La Liga na kwenye UEFA CHAMPIONZ LIGI kuicharaza Bayer Leverkusen 4-2.

LA LIGA

Ratiba:

Jumapili Februari 26 

1400 RCD Espanyol v Osasuna

1815 Atletico de Madrid v FC Barcelona

2030 Athletic de Bilbao v Granada CF

2030 Sporting Gijon v Celta de Vigo

2245 Villarreal CF v Real Madrid CF

Share on Google Plus

About KASSIM OMARY

HII NI BLOG AMBAYO ITAKUWA INAKUPA HABARI MOTOMOTO ZA KIMICHEZO NA HABARI KWA UJUMLA