JE CHELSEA KUTANGAZA UBINGWA LEO??

 

LEO Chelsea wapo The Hawthorns kucheza na West Bromwich Albion wakijua ushindi kwao utawapa Ubingwa wa EPL, LIGI KUU ENGLAND huku wakiwa na Mechi 2 mkononi.

 

Chelsea wanaongoza Ligi hii wakiwa na Pointi 84 kwa Mechi 35 wakibakiza Mechi 3 na Timu pekee inayoweza kuwakamata ni Tottenham Hotspur ambao wana Pointi 77 kwa Mechi 35.

Ikiwa Chelsea watashinda hii Leo watafikisha Pointi 87 ambazo Tottenham hawawezi kuzifikia.

Hii Leo Chelsea wanacheza na WBA ambayo waliifunga katika Mechi ya Kwanza na ambayo ipo Nafasi ya 8 ikiwa salama salimini kwenye vita ya kujinusuru kushuka Daraja.

Kila Timu inatarajiwa kuwa na Kikosi kamili na Kiungo wa Chelsea, N'Golo Kante, anatarajiwa kucheza baada ya Jumatatu iliyopita kuikosa Mechi na Middlesbrough akiwa na maumivu ya Paja.

Kante ndie ambaye ametwaa Tuzo za Mchezaji Bora zilizotolewa na PFA na FWA, Vyama vya Wachezaji wa Kulipwa na kile cha Waandishi wa Soka.

Mechi nyingine ya EPL hii Leo ni huko Goodison Park kati ya Everton na Watford.

EPL, LIGI KUU ENGLAND

Ratiba:

Ijumaa Mei 12

2145 Everton v Watford              

2200 West Bromwich Albion v Chelsea   

          

Jumamosi Mei 13

1430 Manchester City v Leicester City             

1700 Bournemouth v Burnley                

1700 Middlesbrough v Southampton     

1700 Sunderland v Swansea City 

1930 Stoke City v Arsenal  

Jumapili Mei 14

1400 Crystal Palace v Hull City    

1615 West Ham United v Liverpool       

1830 Tottenham Hotspur v Manchester United 

Share on Google Plus

About KASSIM OMARY

HII NI BLOG AMBAYO ITAKUWA INAKUPA HABARI MOTOMOTO ZA KIMICHEZO NA HABARI KWA UJUMLA